Volda og Ørsta som region og lokalsamfunn. Nokre perspektiv på strategisk samarbeid mellom kommunane Volda og Ørsta
Working paper
Permanent lenke
https://hdl.handle.net/11250/3091440Utgivelsesdato
2021Metadata
Vis full innførselSamlinger
Sammendrag
Notatet er utarbeidd for å peike på og minne om viktige trekk ved utviklinga i Volda og Ørsta, både som region og lokalsamfunn. Tanken er at ein på bakgrunn av tilgjengeleg kunnskap skal kunne gi eit riss av situasjonen i regionen, mellom anna ved å sette saman tilgjengeleg kunnskap og å løfte fram eksempel. Notatet er såleis ikkje ein brei analyse av situasjonen Volda og Ørsta.
Notatet byggjer på kunnskapsgrunnlag frå tidlegare analysar. Dette inkluderer ulike forskingsbaserte analysar, og analysar av planarbeidet i kommunane. Både Volda og Ørsta har utarbeidd kvar si oversikt over folkehelsa som grunnlag for planstrategi for perioden 2020-2024. Desse dokumenta gir brei innsikt i sentrale utviklingstrekk og utfordringar i dei to kommunane. Notatet du les no har ein annan karakter, og er ein kort gjennomgang av nokre utvalde trekk ved utviklinga i Volda og Ørsta som region og lokalsamfunn.
Notatet skal vere eit grunnlagsdokument i ein prosess der kommunane Volda og Ørsta ønskjer å utvikle det strategiske samarbeidet seg i mellom. Notatet er utarbeidd ved Avdeling for samfunnsfag og historie ved Høgskulen i Volda, og er ført i pennen hovudsakleg av professor Finn Ove Båtevik, med bidrag frå Bjarte Folkestad, Gro Bårdseth og Randi Bergem