Det norske journalistiske feltet. Nokre sosiale og mentale strukturar

Abstract

I denne artikkelen vert det presentert ei skisse til nokre sentrale strukturar i det norske journalistiske feltet, med utgangspunkt i ein korrespondanseanalyse av ein survey av 1203 medlemer i Norsk journalistforening (NJ) og Norsk redaktørforening (NR) i 2005. I tillegg til å antyde skilje i sosial rekruttering og indre posisjonar i feltet, vert samanhengen mellom denne strukturen og posisjonstaking i sentrale debattar i journalistikken drøfta. Til slutt vert gjeve ei meir inngåande drøfting av eigenskapar ved den symbolske kapitalen i dette feltet, og denne si rolle i oppretthalding av symbolske dominanstilhøve.