God helse-programmet i Møre og Romsdal. Kommunar si eigaevaluering av deira arbeid som partnarar

Abstract

God Helse er namnet på Møre og Romsdal fylke sin satsing for å betre helsa til innbyggarane i fylket. Målet er at flest mogeleg lever eit godt liv og meistrar sin eigen livssituasjon (Møre og Romsdal fylke 2010). Vidare skriv dei at satsinga skjer gjennom partnarskapsavtalar og samarbeid med kommunar, skolar, frivillige organisasjonar og offentlege etatar. Gjennom eit positivt, langsiktig og heilskapeleg førebyggingsarbeid er målet å skape gode lokalsamfunn og god livskvalitet for menneska som er busett i fylket. Mi vurdering av kommunane sitt folkehelsearbeid er at kommunane jamt over arbeider godt i samsvar med dei kriteria vi har sett opp. Gjennomgåande er aktiviteten høg med mange gjennomførte og planlagde tiltak og aktivitetar, men alle kommunane strir meir eller mindre med det dei kallar forankring, og som vi har operasjonalisert i omgrepa legitimitet, mobilisering og organisering.