Bygging av relasjonar i overgangen mellom heim og barnehage. Korleis arbeidar barnehagelæraren med å leggje til rette for å etablere relasjonar mellom barn og personale i overgangen mellom heim og barnehage?

Abstract

I denne oppgåva vert problemstillinga «Korleis arbeidar barnehagelæraren med å leggje til rette for å etablere relasjonar mellom barn og personale i overgangen mellom heim og barnehage?», sett i samanheng med relevant teori, forsking og empiri. Eg har gjennomført tre kvalitative forskingsintervju med barnehagehagelærarar. Studien viser korleis barnehagelæraren jobbar for å leggje til rette for ein god overgang og etablering av relasjon mellom personale og barn i fasane før barn tek til i barnehage, når barnet byrjar i barnehagen og fyrste tida utan føresette. Funna mine i denne studien er at når føresette er aktivt med i tilvenninga vil dette gi ein betre overgang mellom heim og barnehage. Når føresette bidreg aktivt i tilvenninga vil barna føle seg tryggare og lettare byggje ein god relasjon til personalet.